Молитва святому Архангелу Михаилу

Молитва святому Архангелу Михаилу
(читается по понедельникам)

(Эта очень древняя молитва была написана на паперти церкви Михаила Архангела Чудова монастыря, а притом добавлено: «Аще который человек прочитает сию молитву, того дня не коснется его ни диавол, ни зол человек, лестью не обольстится сердце его. Аще ли преставится от жития сего, то и душа его не станет достоянием ада»)

Господи Боже Великий, Царю безначальный! Посли Архангела Твоего Михаила на помощь рабу Твоему (имя) изъятии мя от враг моих видимых и невидимых. О, Господень великий Архангеле Михаиле! Демонов сокрушителю, запрети всем врагам, борющимся со мною, сотвори их яко овцы, и смири их злобныя сердца, и сокруши их, яко прах пред лицеем ветра. О, Господень великий Архангеле Михаиле! Шестокрылый первый княже воевода Небесных Сил Херувим и Серафим. О, угодный Михаиле Архангеле, буди помощник во всех обидах, в скорбях, в печалях; в пустынях, на распутиях, на реках и на морях тихое пристанище. Избави мя, великий Архангеле Михаиле, от всяких прелестей диавольских, егда слыших мя грешнаго раба твоего (имя), молящегося тебе и призывающаго имя твое святое: ускори на помощь мне и услыши молитву мою.
О, великий Архангеле Михаиле, победи вся противящееся мне силою Честнаго и Животворящаго Креста Господня, молитвами Пресвятыя Богородицы и святых апостолов, святого пророка Божия Илии, святителя Николая Чудотворца, святаго Андрея Христа ради юродиваго, святых великомучеников Никиты и Евстафия и всех преподобных отец и святых святителей, мучеников, от века Богу угодивших и всех святых Небесных Сил. О, Господень великий Архангеле Михаиле! Помоги нам грешным (имярек) и избавь нас от труса, потопа, огня, меча и напрасныя смерти, от всякаго зла, от врага льстиваго, от бури поносимой, от лукаваго избавь нас всегда, ныне и присно и во веки веков. Аминь.

Молитва Михаилу Архангелу, чтомая в понедельник каждой седмицы

Святый Архангеле Божий Михаиле, отжени от мене молниеносным мечем твоим духа лукаваго, искушающаго и томящаго мя. О, Великий Архистратиже Божий Михаиле, победителю демонов! Победи и сокруши всех врагов моих, видимых и невидимых, и умоли Господа Вседержителя, да спасет и сохранит мя от всехскорбей и всякия болезни, от смертоносныя язвы и напрасныя смерти ныне и присно, и во веки веков. Ами